Gondurasning amaldagi yetakchisi Xuan Orlando Ernandes 26-noyabrda bo‘lib o‘tgan prezidentlik saylovida g‘olib chiqdi. Bu haqda mamlakat oliy saylov tribunali rahbari David Matamoros Batson ma’lum qildi, deya xabar beradi “TASS”.
Byulletenlar to‘liq qayta ishlab bo‘linganidan so‘ng Ernandes 42,95, muxolifat nomzodi Salvador Nasralla 41,42 foiz ovoz to‘plagani ma’lum bo‘ldi. Saylov uchastkalaridagi 4,7 ming bayonnomani qayta tekshirib chiqish mazkur hisob-kitobga jiddiy o‘zgarish kiritmadi.
Huquqni himoya qilish tashkilotlariga ko‘ra, mamlakatda prezidentlik va parlament saylovlaridan so‘ng zo‘ravonlikning avj olishi 16 kishi, jumladan, bir necha politsiyachi umriga zomin bo‘ldi, 1,67 mingdan ortiq kishi qo‘lga olindi.
Izoh (0)