Гондураснинг амалдаги етакчиси Хуан Орландо Эрнандес 26 ноябрда бўлиб ўтган президентлик сайловида ғолиб чиқди. Бу ҳақда мамлакат олий сайлов трибунали раҳбари Давид Матаморос Батсон маълум қилди, дея хабар беради «ТАСС».
Бюллетенлар тўлиқ қайта ишлаб бўлинганидан сўнг Эрнандес 42,95, мухолифат номзоди Сальвадор Насралла 41,42 фоиз овоз тўплагани маълум бўлди. Сайлов участкаларидаги 4,7 минг баённомани қайта текшириб чиқиш мазкур ҳисоб-китобга жиддий ўзгариш киритмади.
Ҳуқуқни ҳимоя қилиш ташкилотларига кўра, мамлакатда президентлик ва парламент сайловларидан сўнг зўравонликнинг авж олиши 16 киши, жумладан, бир неча полициячи умрига зомин бўлди, 1,67 мингдан ортиқ киши қўлга олинди.
Изоҳ (0)