OAV tomonidan 17 yoshli qizga shilqimlik qilishda ayblangan AQShning Kentukki shtati qonunchilik yig‘ini quyi palatasi a’zosi Den Jonson 13-dekabr, chorshanba kuni o‘z joniga qasd qildi. Bu haqda Fox News telekanali ma’lum qildi, deya xabar beradi “TASS”.
Okrug sherifi Donni Tinnelga ko‘ra, Jonson shtat sharqidagi Maunt-Vashington shahri ko‘prigida o‘zini o‘ldirdi. Huquq-tartibot xodimlari hodisa joyidan o‘qotar qurol topdi.
O‘limi kuni Jonson Facebook’dagi sahifasida qizga tegajoqlik qilgani haqidagi da’volar assosiz ekanligi, AQSh OAVlari keyingi paytda bunday ayblovlarga tez-tez murojaat qilib, “sud va hakamlar rolini o‘zlashtirib olayotgani”dan noligandi.
Qayd etish joizki, 2012-yili Yangi yil arafasida bo‘lib o‘tgani da’vo qilingan holat yuzasidan Jonsonga rasman ayblov e’lon qilinmagandi.
Izoh (0)