Rossiya prezidenti matbuot kotibi Dmitriy Peskov “Rossiya 24” telekanaliga bergan intervyusida Rossiya yetakchisi saylovoldi kampaniyasi chog‘ida nomzodlar munozaralarida qatnashmasligi sabablari haqida gapirdi. Video “Rossiya 24”ning YouTube-kanaliga joylandi.
Peskovning ta’kidlashicha, bu Putin amaldagi davlat rahbari ekanligi bilan bog‘liqdir. “Uning holatida uning nomzodligi boshqa qonunlar bo‘yicha o‘tadi. Ammo bu boshqalar uchun ham teng bo‘lgan qonunlardir. Biroq mana shu amaldagi prezidentlik tamg‘asi, albatta, vaziyatni butunlay o‘zgartiradi, deyishimiz mumkin”, — dedi Peskov va bunday munozaralar “o‘z mohiyati bo‘yicha ancha ma’nisiz” ekanligini qo‘shib qo‘ydi.
Shuningdek, Rossiya yetakchisi matbuot kotibi saylovda qatnashish niyati haqida e’lon qilgan va 14-dekabr kungi Putin matbuot anjumani uchun akkreditatsiyadan o‘tgan teleboshlovchi Kseniya Sobchak ushbu tadbirdan mamlakat prezidenti bilan munozaralar maydoni sifatida foydalanmasligiga umid bildirdi.
Izoh (0)