Ginovan shahridagi (Yaponiyaning janubiy Okinava prefekturasi) boshlang‘ich maktab o‘quvchisi Amerika CH-53 harbiy vertolyoti bo‘lagi qulashi oqibatida qo‘lidan jarohatlandi. Bu haqda HNK telekanali ma’lum qildi, deb yozadi “TASS”.
Amerika qo‘mondonligi prefektura rasmiylari va Yaponiya mudofaa vazirligi mahalliy vakilligini parvoz davomida vertolyotning mahkamlanadigan ramasi illyuminatori qulab tushganligi haqida xabardor qilgan.
Vertolyot qismi Amerikaning Futemma harbiy bazasiga tutash maktab sport maydonchasiga qulagan. U yerda 30 ga yaqin bola va o‘qituvchi bo‘lgan. Jabrlangan bola predmet qulagan joy yaqinida bo‘lgan va chap qo‘lidan jarohatlangan.
TBS telekanali namoyish etgan kadrlarda o‘sha lahzalarda o‘quv muassasasi ustidan AQSh Harbiy-havo kuchlarining uchta vertolyoti uchib o‘tganligini ko‘rish mumkin. Tasvirda allaqanday buyum vertolyotdan ajralib, havoda aylanib pastga qulaganligi ko‘zga tashlanadi.
Izoh (0)