Гинован шаҳридаги (Япониянинг жанубий Окинава префектураси) бошланғич мактаб ўқувчиси Америка Ч-53 ҳарбий вертолёти бўлаги қулаши оқибатида қўлидан жароҳатланди. Бу ҳақда HNK телеканали маълум қилди, деб ёзади «ТАСС».
Америка қўмондонлиги префектура расмийлари ва Япония мудофаа вазирлиги маҳаллий вакиллигини парвоз давомида вертолётнинг маҳкамланадиган рамаси иллюминатори қулаб тушганлиги ҳақида хабардор қилган.
Вертолёт қисми Американинг Футэмма ҳарбий базасига туташ мактаб спорт майдончасига қулаган. У ерда 30 га яқин бола ва ўқитувчи бўлган. Жабрланган бола предмет қулаган жой яқинида бўлган ва чап қўлидан жароҳатланган.
TBS телеканали намойиш этган кадрларда ўша лаҳзаларда ўқув муассасаси устидан АҚШ Ҳарбий-ҳаво кучларининг учта вертолёти учиб ўтганлигини кўриш мумкин. Тасвирда аллақандай буюм вертолётдан ажралиб, ҳавода айланиб пастга қулаганлиги кўзга ташланади.
Изоҳ (0)