Kinochilar uyi me’mori Rafael Xayrutdinovning rafiqasi Firuza Xayrutdinova buzib tashlanayotgan bino bilan xayrlashishga keldi. Fotosurat me’morning jiyani Rushena Seminogova tomonidan Facebook’da chop etildi, deb xabar beradi “Gazeta.uz”.
Kinochilar uyi binosi 1982-yili Toshkentdagi Osiyo, Afrika va Lotin Amerikasi mamlakatlari kinofestivali munosabati bilan foydalanishga topshirilgan edi. Uning buzib tashlanishi Tashkent City xalqaro ishbilarmonlik markazining qurilishi bilan bog‘liq.
Rushena Seminogovaga ko‘ra, me’morlar doirasi bino buzilishi haqida OAV orqali bilgan. Me’morlar, kinematografistlar va rassomlarning mamlakat rahbariyatiga binoni saqlab qolish iltimosi bilan amalga oshirgan murojaati hozircha javobsiz qolmoqda.
Me’mor va rassom Rafael Xayrutdinov ikki yil muqaddam 83 yoshida vafot etgan. U nafaqat Kinochilar uyi, balki San’at akademiyasi Markaziy ko‘rgazma zali va Benkov nomli Respublika rassomlik o‘quv yurti qurilishida ham ishtirok etgan.
Izoh (0)