Киночилар уйи меъмори Рафаэль Хайрутдиновнинг рафиқаси Фируза Хайрутдинова бузиб ташланаётган бино билан хайрлашишга келди. Фотосурат меъморнинг жияни Рушена Семиногова томонидан Facebook’да чоп этилди, деб хабар беради «Газета.uz».
Киночилар уйи биноси 1982 йили Тошкентдаги Осиё, Африка ва Лотин Америкаси мамлакатлари кинофестивали муносабати билан фойдаланишга топширилган эди. Унинг бузиб ташланиши Tashkent City халқаро ишбилармонлик марказининг қурилиши билан боғлиқ.
Рушена Семиноговага кўра, меъморлар доираси бино бузилиши ҳақида ОАВ орқали билган. Меъморлар, кинематографистлар ва рассомларнинг мамлакат раҳбариятига бинони сақлаб қолиш илтимоси билан амалга оширган мурожаати ҳозирча жавобсиз қолмоқда.
Меъмор ва рассом Рафаэль Хайрутдинов икки йил муқаддам 83 ёшида вафот этган. У нафақат Киночилар уйи, балки Санъат академияси Марказий кўргазма зали ва Бенков номли Республика рассомлик ўқув юрти қурилишида ҳам иштирок этган.
Изоҳ (0)