Samolyotda tanovul qilish xavfsiz bo‘lgan faqat 2 ta ovqatning nomi ma’lum qilindi

Samolyotga parvoz uchun chiqish va ungacha bo‘lgan jarayonlar kamida ikki soat vaqt oladi va bu vaqtda yo‘lovchi och qolishga ulguradi. Shu sababli yo‘lovchilar havo kemasi yerdan uzilishi bilan ovqat tarqatilishini kuta boshlaydi. AdMe yirik aviakompaniyalardan birining bosh oshpazi tomonidan yo‘lovchilarga ovqat masalasida bergan tavsiyasini taqdim etdi.

Tavsiyaga ko‘ra, ichimliklardan suv va sharbat, ovqatlardan esa guruch va mol go‘shtidan tayyorlangan issiq ovqat yo‘lovchilar uchun eng maqbuli hisoblanadi. Guruch va mol go‘shtini bir necha marta isitish mumkin va ular yomon bo‘lib qolmaydi. Boshqa ovqatlar esa samolyotdagi sharoitlarda o‘z jozibadorligi yoki foydasini yo‘qotadi.

Issiq ichimlik ichish ham yo‘lovchilarga ko‘p tavsiya etilmagan. Issiq ichimlik idishlarini samolyot bortida tozalash qiyin hisoblanadi, shuning uchun bu ish juda kam qilinadi.