O‘zbek ipak matolari — atlas va adrasni tayyorlash bo‘yicha ko‘hna texnologiyalar YuNESKOning nomoddiy madaniy merosni saqlash bo‘yicha ilg‘or tajriba reyestriga kiritildi. Bu haqda “Gazeta.uz” xabar bermoqda.
Bu haqdagi tegishli qaror Nomoddiy madaniy merosni muhofaza qilish bo‘yicha hukumatalaro qo‘mita tomonidan qabul qilingan. Qo‘mita yig‘ilishi joriy haftada Janubiy Koreyaning Cheju shahrida bo‘lib o‘tmoqda.
O‘zbekistonning Marg‘ilon shahri qadimdan atlas va adras — o‘ziga xos suratlar tushirilgan tabiiy matolarni tayyorlash markazi bo‘lib kelgan. Bu shaharda har yili “Atlas bayrami” festivali o‘tkaziladi.
Izoh (0)