Fransiya rasmiylari LafargeHolcim qurilish materiallari ishlab chiqarish kompaniyasi sobiq bosh direktori Erik Olsenga Suriyada terrorizmni moliyalashtirishda ayblov e’lon qildi. Bu haqda ”RIA Novosti” xabar bermoqda.
Kompaniyaning yana bir sobiq rahbari Bryuno Lafon va bosh direktorning sobiq o‘rinbosari Kristian Erro hibsga olindi.
O‘tgan yil yozida LafargeHolcim Group Suriyadagi zavodlaridan birining rahbariyati 2012—2014-yillar davomida korxona faoliyati davom etishi va xodimlar xavfsizligini ta’minlash uchun jangarilarni moliyalashtirganini tan olgandi.
Kompaniya mahalliy korchalon Firas Tlasga oyiga 100 ming dollar “o‘lpon” to‘lab kelgan. U esa bu pullarni qurolli guruhlarga yetkazishni zimmasiga olgandi.
Zavod 2014-yil sentabrida Suriyada ishini to‘xtatgandi.
Izoh (0)