Argentinada mamlakatning sobiq prezidenti Kristina de Kirshnerga nisbatan davlatga xiyonat qilganlik yuzasidan ayblov ilgari surildi, deb xabar beradi “RBK”.
Federal sudya Kirshnerni 1994-yilda Buenos-Ayres shahrida joylashgan yahudiylar madaniyat markazida yuz bergan portlash to‘g‘risidagi ish bo‘yicha hibsga olishga chaqirdi.
Sudya Kirshnerni 85 kishi halok bo‘lgan hujumda Eronning rolini “foydali savdo kelishuvi” evaziga yashirganlikda ayblamoqda.
Sobiq prezidentni hibsga olish uchun sud uni daxlsizlik huquqidan mahrum etishni so‘radi. Hozirgi vaqtda Kirshner senator lavozimida faoliyat yuritmoqda.
Bundan tashqari, sud Kirshnerning uch nafar tarafdori va yordamchisini, jumladan sobiq tashqi ishlar vaziri Gektor Timermanni hibsga olgan. U hozirda uy qamog‘ida ekanligi aytilmoqda.
Argentina sobiq prezidenti sud qarorini “adolat va demokratiyaga to‘g‘ri kelmaydi”, deya izohlagan.
“Bu yerda ish, jinoyat, motiv yo‘q. Xudo buni biladi, hukumat va prezident (Maurisio) Makri ham bundan xabardor”, — deydi Kristina de Kirshner.
Izoh (0)