Birlashgan Arab Amirliklarida istiqomat qiladigan ijtimoiy tarmoqlar foydalanuvchilari orasida Pepsi gazlangan ichimligiga OITV “aralashtirilishi” haqida mish-mishlar tarqaldi, deb yozadi Al Bawaba.
Xabarda ta’kidlanishicha, Dubay amirligining Facebook’dagi sahifasida Pepsi ichimliklaridagi virusga bag‘ishlangan postlar yolg‘on ekanligi e’lon qilingan. Hukumat a’zolari buni OITV yegulik yoki suv orqali yuqmasligi bilan izohladi.
O‘z bayonotida ular Jahon sog‘liqni saqlash tashkiloti ma’lumotlariga tayangan. Ularga ko‘ra, yuqish faqat qon orqali — shpritslarni qayta ishlatish, inyeksiya va qon quyish yo‘li bilan yuz berishi mumkin. Shuningdek, OITV himoyalanmagan jinsiy aloqa orqali hamda onadan bolaga o‘tishi mumkin.
Izoh (0)