Boks bo‘yicha O‘zbekiston chempionligi uchun janglar 24—30-noyabr kunlari Termiz shahrida bo‘lib o‘tdi. O‘zbekiston Boks Federatsiyasining qaroriga ko‘ra, mazkur turnirda mamlakat termasining birinchi raqamli bokschilari ishtirok etmadi.
Bu holat termaga nomzod bo‘lgan qolgan sportchilarga imkoniyat taqdim etish uchun edi. Natijada 10 ta vazn toifasida yangi chempionlar yetishib chiqdi. Ular orasidan faqatgina Shahobiddin Zoirovning bor ekani diqqatga sazovor. U -56 kilogramm vazn toifasida Rio—2016 Olimpiadasida oltin medalga ega chiqqan bo‘lib, keyinroq bir qator musobaqalarni o‘tkazib yuborgandi.
Quyida o‘z vazn toifasida O‘zbekiston chempionligini qo‘lga kiritgan sportchilar bilan tanishish mumkin.
-49 kg: Xudoynazar Fayzov (Toshkent viloyati)
Mazkur sportchi final jangida buxorolik Mironshoh Ibragimovni taslim qildi.
-52 kg: Abdullo Qo‘chqorov (Farg‘ona)
Mazkur sportchi final jangida andijonlik Hasanboy Latifohunovni taslim qildi.
-56 kg: Shahobiddin Zoirov (Buxoro)
Mazkur sportchi final jangida toshkentlik Abdulhay Shorahmatovni yengishga erishdi.
-60 kg: Shunqor Abdurasulov (Toshkent viloyati)
Mazkur sportchi final jangida buxorolik Shukurjon Rahimovni taslim qildi.
-64 kg: Ziyovuddin Tohirov (Andijon)
Mazkur sportchi final jangida Toshkent viloyatidan bo‘lgan Aliyor Noraliyevni yengdi.
-69 kg: Mahmud G‘oipov (Surxondaryo)
Mazkur sportchi final jangida jizzaxlik Bobo-Usmon Baturovni taslim qildi.
-75 kg: Akmurod G‘afforov (Surxondaryo)
Mazkur sportchi final jangida samarqandlik Fanat Qahramonovdan ustun keldi.
-81 kg: Kozim Mardonov (Farg‘ona)
Mazkur sportchi final jangida Toshkent viloyatidan bo‘lgan Madiyor Saidrahimovni yengdi.
-91 kg: Sardor Yormuhamedov (Buxoro)
Mazkur sportchi final jangida toshkentlik Hasan Baratovdan ustun keldi.
+91 kg: Laziz Mullajonov (Farg‘ona)
Mazkur sportchi final jangida xorazmlik Mirzobek Hasanovdan ustun keldi.
O‘zbekiston chempionatida Farg‘ona boks maktabidan 3 ta chempion yetishib chiqdi. Bu eng yaxshi ko‘rsatkichdir. Toshkent viloyati va Buxorodan 4 nafardan bokschi finalga yetib keldi va ularning teng yarmi oltin medalni qo‘lga kiritdi. Shuningdek, Surxondaryodan ham 2 ta chempion chiqdi. O‘zbekiston boks maktablari orasida katta obro‘ga ega bo‘lgan Andijonda 1 ta oltin va 1 ta kumush qayd etildi. Finalgacha yetib kelgan toshkentlik ikki sportchi ham imkonyaitni boy berdi.
Turnir yakunida eng yaxshi bokschi sovrini -49 kilogrammda janglar o‘tkazgan Xudoynazar Fayzovga nasib qildi. Mazkur vazn toifasida O‘zbekistonning birinchi raqamli sportchisi Hasanboy Do‘stmatov hisoblanadi.
Izoh (0)