Бокс бўйича Ўзбекистон чемпионлиги учун жанглар 24—30 ноябрь кунлари Термиз шаҳрида бўлиб ўтди. Ўзбекистон Бокс Федерациясининг қарорига кўра, мазкур турнирда мамлакат термасининг биринчи рақамли боксчилари иштирок этмади.
Бу ҳолат термага номзод бўлган қолган спортчиларга имконият тақдим этиш учун эди. Натижада 10 та вазн тоифасида янги чемпионлар етишиб чиқди. Улар орасидан фақатгина Шаҳобиддин Зоировнинг бор экани диққатга сазовор. У -56 килограмм вазн тоифасида Рио—2016 Олимпиадасида олтин медалга эга чиққан бўлиб, кейинроқ бир қатор мусобақаларни ўтказиб юборганди.
Қуйида ўз вазн тоифасида Ўзбекистон чемпионлигини қўлга киритган спортчилар билан танишиш мумкин.
-49 кг: Худойназар Файзов (Тошкент вилояти)
Мазкур спортчи финал жангида бухоролик Мироншоҳ Ибрагимовни таслим қилди.
-52 кг: Абдулло Қўчқоров (Фарғона)
Мазкур спортчи финал жангида андижонлик Ҳасанбой Латифоҳуновни таслим қилди.
-56 кг: Шаҳобиддин Зоиров (Бухоро)
Мазкур спортчи финал жангида тошкентлик Абдулҳай Шораҳматовни енгишга эришди.
-60 кг: Шунқор Абдурасулов (Тошкент вилояти)
Мазкур спортчи финал жангида бухоролик Шукуржон Раҳимовни таслим қилди.
-64 кг: Зиёвуддин Тоҳиров (Андижон)
Мазкур спортчи финал жангида Тошкент вилоятидан бўлган Алиёр Норалиевни енгди.
-69 кг: Маҳмуд Ғоипов (Сурхондарё)
Мазкур спортчи финал жангида жиззахлик Бобо-Усмон Батуровни таслим қилди.
-75 кг: Акмурод Ғаффоров (Сурхондарё)
Мазкур спортчи финал жангида самарқандлик Фанат Қаҳрамоновдан устун келди.
-81 кг: Козим Мардонов (Фарғона)
Мазкур спортчи финал жангида Тошкент вилоятидан бўлган Мадиёр Саидраҳимовни енгди.
-91 кг: Сардор Ёрмуҳамедов (Бухоро)
Мазкур спортчи финал жангида тошкентлик Ҳасан Баратовдан устун келди.
+91 кг: Лазиз Муллажонов (Фарғона)
Мазкур спортчи финал жангида хоразмлик Мирзобек Ҳасановдан устун келди.
Ўзбекистон чемпионатида Фарғона бокс мактабидан 3 та чемпион етишиб чиқди. Бу энг яхши кўрсаткичдир. Тошкент вилояти ва Бухородан 4 нафардан боксчи финалга етиб келди ва уларнинг тенг ярми олтин медални қўлга киритди. Шунингдек, Сурхондарёдан ҳам 2 та чемпион чиқди. Ўзбекистон бокс мактаблари орасида катта обрўга эга бўлган Андижонда 1 та олтин ва 1 та кумуш қайд этилди. Финалгача етиб келган тошкентлик икки спортчи ҳам имконяитни бой берди.
Турнир якунида энг яхши боксчи соврини -49 килограммда жанглар ўтказган Худойназар Файзовга насиб қилди. Мазкур вазн тоифасида Ўзбекистоннинг биринчи рақамли спортчиси Ҳасанбой Дўстматов ҳисобланади.
Изоҳ (0)