Jizzax viloyat Favqulodda vaziyatlar boshqarmasiga Forish tuman IIB navbatchisi qo‘ng‘iroq qilib, tumanning “Egizbuloq” qishlog‘i hududidan o‘tuvchi yo‘lda ikki Lacetti mashinasi to‘qnashishi tufayli 4 nafar fuqaro jarohatlanib, avtomobil ichida qisilib qolganligi to‘g‘risida xabar berdi. Bu haqda FVV matbuot xizmati ma’lum qilmoqda.
Ushbu xabarga asosan boshqarma qutqaruvchilari zudlik bilan voqea joyiga yetib bordi.
Yo‘l-transport hodisasi tufayli avtomobil ichida qisilib qolgan fuqarolarni maxsus asbob-anjomlar yordamida chiqarib olinib, tibbiyot xodimlariga topshirildi. Ular Forish tuman shifoxonasiga yotqizildi.
Izoh (0)