Rossiya Davlat dumasi AQSh OAV vakillarini parlament quyi palatasiga kirishini taqiqlovchi qarorni qabul qiladi. Bu haqda nazorat va reglament qo‘mitasi rahbari Olga Sevastyanova ma’lum qildi, deya xabar beradi “Gazeta.ru”.
“Qo‘mitamiz 4-dekabr, dushanba kuni navbatdan tashqari yig‘ilish o‘tkazadi va qaror loyihasini ko‘rib chiqadi. Ertasiga Duma kengashida, chorshanba kuni esa quyi palata plenar yig‘ilishida muhokama qilinadi. Qaror AQSh jurnalistlariga Davlat dumasiga kirish man etilishini ko‘zda tutati”, — dedi u.
Taqiq kelgusi haftadan amalda bo‘ladi. Shuningdek, Davlat dumasi mintaqalardagi qonunchilik organlari vakillariga ham shunday yo‘l tutish bo‘yicha murojaat etadi.
Eslatib o‘tamiz, oldinroq AQSh Kongressi Russia Today telekanalini akkreditatsiyadan mahrum qilgandi.
Izoh (0)