Janubiy Koreyadagi Sooam BRF laboratoriyasida klonlashtirilgan ikki it Rossiyaning Yoqutiston respublikasidagi kinologik bo‘linmada xizmatga kirishdi va murakkab iqlim sharoitlariga muvaffaqiyatli moslashmoqda, deb xabar beradi “RIA Novosti”.
O‘tgan yilning yanvar oyida Sooam Biotech Research Foundation instituti xodimlari Rossiya harbiy-tarixiy jamiyatining Yoqutiston hududiy bo‘linmasi kinologlariga uchta klonlashtirilgan zotdor xizmat itlarini yetkazib bergan edi.
Jamiyat raisi Valeriy Chugunov noyabr oyida Yoqutiston hududiy bo‘linmasiga Jek va Tom laqabli ikki itni bergan.
Bugungi kunda ular Rossiyadagi yagona klonlashtirilgan itlar hisoblanadi.
“Itlarning murakkab iqlim sharoitlariga birdan moslashib ketmasligi taxmin qilingan edi. Biroq jonivorlar uch hafta davom etgan mashg‘ulotlar davomida ajoyib natijalar ko‘rsatdi”, — deyiladi xabarda.
Izoh (0)