Huawei Tech Investment Tashkent ikkinchi bor bulutli texnologiyalar va hisob-kitoblarga bag‘ishlangan Uzbekistan Cloud Summit 2017: Reshape Business with the Cloud sammitini o‘tkazadi. Sammitning asosiy maqsadi – O‘zbekiston bozoriga biznesni isloh qilishda so‘nggi avlod yuqori texnologiyalaridan foydalangan holda yangicha yondashuvni taklif etishdir.
Bulutli texnologiyalarning ushbu sammiti bulutli industriya va AKT istiqbollarini shakllantirishga ko‘maklashish uchun sohaning eng obro‘li va ahamiyatli ishtirokchilarini birlashtiradi.
Bu yilgi sammitning maqsadi – mobil operatorlar, vertikal tarmoq yetakchilari va global konsultantlarni birlashtirib, batafsil muzokaralar olib borish, O‘zbekistonda AKT sanoatining barqaror o‘sishini tezlashtirishga yangi yo‘llarni ochish va bulutli texnologiyalar bilan birga rivojlanish uchun samarali hamkorlik qilishga ko‘maklashishdan iborat.
Bu yil bulutli texnologiyalar sammitida o‘ndan ziyod mavzular qamrab olinib, tarmoqning obro‘li ishtirokchilari, hamkor tashkilotlar, yakuniy foydalanuvchilar, xalqaro va mahalliy IT-konsultantlar, operatorlar bilan birgalikda diskussiya o‘tkazilishini e’lon qilish biz uchun sharaf. Ishtirokchilar O‘zbekiston bulutli bozorining imkoniyatlari, IDC’ning bulutli texnologiyalarga oid global prognozi haqida qimmatli ma’lumotlarga ega bo‘lib, o‘z biznesi uchun Microsoft’dan qanday bulutli texnologiyalar usullarini olish mumkinligini bilib olish, FileCloud, uning bulutli infratuzulmasi va ekotizimi haqida bilimga ega bo‘lish, bulutli servislar operatorlari daromadning yangi manbalarini qanday olishi, shuningdek, chet ellik va mahalliy ma’ruzachilarning qiziqarli nutqlarini tinglashlari mumkin.Bulutli industriya va AKT juda tez rivojlanayotganini hisobga olib, sammitda qimmatli va foydali ma’lumotlar, yetuk ekspertlar va shu sohaning mintaqa va dunyodagi vakillari bilan tajriba almashishlar bisyor bo‘ladi. Uzbekistan Cloud Summit 2017 e’tiborga loyiq sohaning muhim voqeasi hisoblanadi.Van Pen, Huawei’ning O‘zbekistondagi bosh direktori
Texnologiyalarning muhim takomillashuvidan biri sifatida bulutli hisoblashlar IT resurslardan foydalanish usulini o‘zgartirib yubordi. Bulutli texnologiyalar korxonalar, ayniqsa kichik va o‘rta korxonalarga texnologik innovatsiyalar afzalliklarini olishning ancha yengil va moslashuvchan usulini ta’minlaydi. Bulutli hisoblash texnologiyasi AKT tarmog‘i rivojini tezlashtirishga sezilarli yordam berishi shubhasiz. O‘zbekistondagi korxonalar raqamli o‘zgarishlarni shu texnologiyadan foydalanib amalga oshirmoqda va uni yaqin kelajakda qadriyatlar yaratish bosqichiga olib chiqish niyatida. Huawei “Bulut” mijozlarga doimiy ravishda qadriyat yaratishga ko‘maklashsagina gullab-yashnaydi, deb hisoblaydi.
Reklama huquqi asosida!
Izoh (0)