Donald Tramp ma’muriyatining Suriya prezidenti Bashar Asadga nisbatan pozitsiyasi o‘zgargani yo‘q, deya xabar bermoqda “TASS” Oq uy matbuot kotibi Sara Sandersga tayanib.
27-noyabr, dushanba kuni bo‘lib o‘tgan brifingda unga muxbirlar “Asad o‘z lavozimini tark etishi kerakmi?” — degan savolni bir necha marta berdi. Suriya muxolifati aynan shuni talab qilib turib olishda davom etmoqda. 29-noyabr kuni Jenevada ochiladigan Suriya muzokaralarining sakkizinchi davrasi arafasida ham muxolifat Suriyadagi siyosiy o‘tish Asadning prezidentlikdan ketishini ko‘zda tutishini ma’lum qildi.
“Ayni paytda bizning pozitsiyamizda hech qanday o‘zgarishlar bo‘lgani yo‘q, — dedi Sanders. — Bu borada bergan bayonotlarimizga taqqoslaganda hech qanday yangi narsa yo‘q”.
Izoh (0)