Дональд Трамп маъмуриятининг Сурия президенти Башар Асадга нисбатан позицияси ўзгаргани йўқ, дея хабар бермоқда «ТАСС» Оқ уй матбуот котиби Сара Сандерсга таяниб.
27 ноябрь, душанба куни бўлиб ўтган брифингда унга мухбирлар «Асад ўз лавозимини тарк этиши керакми?» — деган саволни бир неча марта берди. Сурия мухолифати айнан шуни талаб қилиб туриб олишда давом этмоқда. 29 ноябрь куни Женевада очиладиган Сурия музокараларининг саккизинчи давраси арафасида ҳам мухолифат Суриядаги сиёсий ўтиш Асаднинг президентликдан кетишини кўзда тутишини маълум қилди.
«Айни пайтда бизнинг позициямизда ҳеч қандай ўзгаришлар бўлгани йўқ, — деди Сандерс. — Бу борада берган баёнотларимизга таққослаганда ҳеч қандай янги нарса йўқ».
Изоҳ (0)