Ukraina tashqi ishlar vazirligi Varshava aeroportida Lvov Polsha tarkibiga qo‘shilgan xarita joylashtirilgani haqidagi ma’lumotni tekshirmoqda. Bu haqda “RIA Novosti” xabar bermoqda.
Varshavadagi Shopen nomli aeroportda Litva, Belarus va Ukraina tarkibidagi hududlar, jumladan, Lvov va Vilnyus Polshaning bir qismi sifatida ko‘rsatilgan plakatlar paydo bo‘lgani haqida Polsha matbuoti xabar qildi.
Aeroport vakili jurnalistlarga xarita 1918-yilgi holatni aks etishi va Polsha Ikkinchi jahon urushidan avval va hozirda qanday ko‘rinishda ekanligini namoyish etish uchun joylashtirilganini bildirdi. Keyinchalik plakatlar olib tashlandi.
Izoh (0)