Украина ташқи ишлар вазирлиги Варшава аэропортида Львов Польша таркибига қўшилган харита жойлаштирилгани ҳақидаги маълумотни текширмоқда. Бу ҳақда «РИА Новости» хабар бермоқда.
Вазирлик мамлакатнинг Варшавадаги элчихонасига сўров жўнатганини маълум қилди.
Варшавадаги Шопен номли аэропортда Литва, Беларусь ва Украина таркибидаги ҳудудлар, жумладан, Львов ва Вильнюс Польшанинг бир қисми сифатида кўрсатилган плакатлар пайдо бўлгани ҳақида Польша матбуоти хабар қилди.
Аэропорт вакили журналистларга харита 1918 йилги ҳолатни акс этиши ва Польша Иккинчи жаҳон урушидан аввал ва ҳозирда қандай кўринишда эканлигини намойиш этиш учун жойлаштирилганини билдирди. Кейинчалик плакатлар олиб ташланди.
Изоҳ (0)