AQSh BMT Xavfsizlik kengashida Rossiya tomonidan uning Damashqdagi elchixonasiga uyushtirilgan hujum munosabati bilan taklif etilgan bayonotni bloklab qo‘ydi, deb yozadi “Gazeta.ru”.
“Rossiya tomonidan BMT Xavfsizlik kengashi matbuoti uchun taklif qilingan, Rossiyaning Damashqdagi elchixonasiga 20-noyabrda uyushtirilgan terrorchilar hujumini qoralovchi bayonot loyihasi yana Amerika delegatsiyasi tomonidan bloklab qo‘yildi”, — dedi Rossiyaning BMTdagi doimiy vakili matbuot kotibi Fyodor Strjijovskiy.
Rossiyaning Suriyadagi elchixonasi terrorchilar marralaridan minomyotdan o‘qqa tutildi. 122 millimetrli mina portlashi natijasida bino devori, elektr uzatish simlari va suv ta’minoti tizimiga zarar yetdi.
Izoh (0)