АҚШ БМТ Хавфсизлик кенгашида Россия томонидан унинг Дамашқдаги элчихонасига уюштирилган ҳужум муносабати билан таклиф этилган баёнотни блоклаб қўйди, деб ёзади «Газета.ru».
«Россия томонидан БМТ Хавфсизлик кенгаши матбуоти учун таклиф қилинган, Россиянинг Дамашқдаги элчихонасига 20 ноябрда уюштирилган террорчилар ҳужумини қораловчи баёнот лойиҳаси яна Америка делегацияси томонидан блоклаб қўйилди», — деди Россиянинг БМТдаги доимий вакили матбуот котиби Фёдор Стржижовский.
Россиянинг Суриядаги элчихонаси террорчилар марраларидан миномётдан ўққа тутилди. 122 миллиметрли мина портлаши натижасида бино девори, электр узатиш симлари ва сув таъминоти тизимига зарар етди.
Изоҳ (0)