Suriya hukumat qo‘shini jangchilari shia ko‘ngillilari bilan birga Abu Kamol shahrini nazorat ostiga oldi. Bu haqda “RBK” xabar bermoqda.
Shahar qamalidan oldin IShIDning qo‘shimcha kuchlari yaqinlashmasligi uchun qurshov operatsiyasi o‘tkazilgan edi. Bundan tashqari, Rossiya aviatsiyasi terrorchilar marralarini o‘qqa tutdi.
9-noyabr kuni Suriya qo‘shinlari Abu Kamolni egallaganini ma’lum qilgan edi. Ertasiga Rossiya mudofaa vaziri Sergey Shoygu “IShIDning so‘nggi tayanchi” olingani borasida bayonot berdi. Ammo hukumat kuchlari shaharni ushlab qololmadi: IShIDning qo‘shimcha kuchlari kontrhujum natijasida “uyqudagi yacheykalar” — shaharda maxsus qoldirilgan jangarilar yordamida shaharni qaytarib oldi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)