Tahlillar shuni ko‘rsatmoqdaki, yong‘inlarda insonlar halok bo‘lishining asosiy sabablaridan biri o‘rinda yotgan holda chekishdir. Bu haqda Toshkent shahar IIBB ogohlantirmoqda.
Yong‘inlarda halok bo‘layotganlarning 77 foizdan ziyodi shu sababga ko‘ra nobud bo‘lmoqda.
Cho‘g‘lanib yonayotgan sigaretning birlamchi maksimal harorati 310-320 daraja, so‘ng harorati 240-260 darajagacha pasayadi va tutash vaqti 26-30 daqiqani tashkil qiladi.
Sigareta qoldig‘i yonuvchan materiallar, masalan, ko‘rpacha, to‘shak va boshqa yotoq to‘shamalariga tutashib, cho‘g‘lanishiga olib keladi.
Bunday holatlar sigaret qoldig‘i somon yoki o‘t-xashakka tushsa ham yuzaga keladi. Shu sababli amalda o‘chirilmagan sigareta qoldig‘idan sodir bo‘layotgan yong‘inlar ko‘plab uchraydi.
Izoh (0)