Таҳлиллар шуни кўрсатмоқдаки, ёнғинларда инсонлар ҳалок бўлишининг асосий сабабларидан бири ўринда ётган ҳолда чекишдир. Бу ҳақда Тошкент шаҳар ИИББ огоҳлантирмоқда.
Ёнғинларда ҳалок бўлаётганларнинг 77 фоиздан зиёди шу сабабга кўра нобуд бўлмоқда.
Чўғланиб ёнаётган сигаретнинг бирламчи максимал ҳарорати 310-320 даража, сўнг ҳарорати 240-260 даражагача пасаяди ва туташ вақти 26-30 дақиқани ташкил қилади.
Сигарета қолдиғи ёнувчан материаллар, масалан, кўрпача, тўшак ва бошқа ётоқ тўшамаларига туташиб, чўғланишига олиб келади.
Бундай ҳолатлар сигарет қолдиғи сомон ёки ўт-хашакка тушса ҳам юзага келади. Шу сабабли амалда ўчирилмаган сигарета қолдиғидан содир бўлаётган ёнғинлар кўплаб учрайди.
Изоҳ (0)