AQShning Meksika bilan chegarasida devor tiklash 18 milliard dollar yoki undan ham arzonroqqa tushishi mumkin. Bu haqda prezident Donald Tramp Fox News telekanaliga bergan intervyusida ma’lum qildi, deya xabar beradi “TASS”.
“Devorni tiklash qiymati 40 milliardga borishini aytishgandi. Hisob-kitobimiz bu summaning yaqiniga ham yo‘lamadi. Gap mazkur mablag‘ning yarmidan ham kamrog‘i haqida ketmoqda”, — dedi Oq uy xo‘jayini.
Tramp tog‘lar va daryolar tabiiy to‘siqlar vazifasini o‘tashi va bu joylarda devor shart emasligini bildirdi.
“18 milliard yoki bundan ham kam summa evaziga ajoyib devorga ega bo‘lamiz, deb o‘ylayman. Hozir uning nusxalarini yaratyapmiz, keyinchalik bir qarorga kelamiz”, — ta’kidladi AQSh prezidenti.
Izoh (0)