Yevropa tiklanish va taraqqiyot banki (YTTB) birinchi vitse-prezidenti Filip Bennet boshchiligidagi delegatsiya 7-noyabr, seshanba kuni O‘zbekistonga tashrif buyuradi. Bu haqda TIV matbuot xizmati xabar bermoqda.
Keng qamrovli tashrif dasturida hukumat, Oliy Majlis Senati, Markaziy bank va boshqa yetakchi moliya muassasalarida uchrashuv va muzokaralar o‘tkazish hamda kredit kelishuvlarini imzolash ko‘zda tutilgan.
YTTBning nufuzli delegatsiyasi “Markaziy Osiyo: bir o‘tmish va umumiy kelajak, barqaror rivojlanish va o‘zaro farovonlik uchun hamkorlik” muvzusidagi xalqaro konferensiyasida ham ishtirok etadi.
Izoh (0)