Непал марказида автобуснинг дарёга қулаши оқибатида ҳалок бўлганлар сони 31 кишигача кўпайди. Бу ҳақда, Kathmandu Post нашрига асосланиб, «РИА Новости» агентлиги хабар бермоқда.
Аввалроқ ҳодиса оқибатида 20 га яқин одам ҳалок бўлгани ҳақида хабар берилган эди.
Йўловчилар билан тўла бўлган автобус мамлакта жануби-шарқидаги Ражбираж шаҳридан пойтахт Катмандуга кетаётган бўлган. Ҳодиса 28 октябрь, шанба куни маҳаллий вақт билан тонг соат 5:30 да юз берган.
Хабар беришларича, тан жароҳати олганига қарамай, 15 нафар йўловчи ўз жонини сақлаб қолишга муваффақ бўлган. Автобусда бўлган йўловчиларнинг аниқ сони номаълум.
Омон қолганларнинг сўзларига кўра, автобус салонида 50 га яқин одам бўлган. Бундан ташқари, автобуснинг томида яна бир неча киши ўтириб кетаётган бўлган.
Изоҳ (0)