2017-yilning iyun oyida Quyi Chirchiq tumanida yashovchi, 1992-yilda tug‘ilgan Shoira Asilova (keltirilgan ism-familiyalar o‘zgartirilgan) firibgarlik yo‘li bilan ikki nafar chinozlik fuqaroning pullarini qo‘lga kiritgan, deb xabar berdi Toshkent viloyati IIB matbuot xizmati.
Shoira Asilova Toshkent viloyati Chinoz tumanida yashovchi 1984-yilda tug‘ilgan Maqsudbek Boqiyev hamda 1981-yilda tug‘ilgan Olim Iskandarovlarni ishonchlarini suiiste’mol qilib, “Koreyaga ishlashga yuboraman”, deb aldagan hamda ulardan 1500 dollar miqdorida pul olgan va shu kunga qadar qaytarib bermagan.
Ushbu holat yuzasidan unga nisbatan O‘zbekiston Respublikasi Jinoyat Kodeksining 168-moddasi 1-qismi (firibgarlik) bilan jinoyat ishi qo‘zg‘atildi. Tergovni IIB olib bormoqda.
Izoh (0)