Amazon internet-do‘koni asoschisi Jeff Bezos, Microsoft asoschisi Bill Geytsni ortda qoldirgani holda, jahoning eng badavlat odamlar ro‘yxatida birinchi o‘ringa chiqib oldi. Bu haqda “Kommersant” xabar bermoqda.
Bloomberg va Forbes axborotiga ko‘ra, bir sutka ichida Jeff Bezosning boyligi 10 milliard dollarga ko‘paygan. Bu Amazon’ning chorak yakunlari bo‘yicha hisoboti e’lon qilingach yuz bergan.
Chorak hisobotiga ko‘ra, Amazon’ning rivojlanish ko‘rsatkichlari tahlilchilarning taxminlaridan sezilarli yuqori chiqqan. Natijada internet-do‘kon aksiyalari qiymati 13 foizga ko‘tarilgan.
Bloomberg ma’lumotlariga ko‘ra, ayni vaqtda Jeff Bezosning boyligi 93,8 milliard dollarni tashkil etadi. Forbes esa biznesmening davlatini 93,1 milliard dollarga baholamoqda.
Jeff Bezos iyul oyida ham jahonning eng badavlat odamiga aylangan edi, biroq bu maqomni qo‘lga kiritganidan bir soat o‘tib, Bill Geyts undan yana o‘zib ketgan edi.
Izoh (0)