Taniqli reper Eminem Yangi Zelandiya milliy partiyasi 2014-yildagi targ‘ibot roligi uchun uning Lose Yourself qo‘shig‘idan foydalangani yuzasidan o‘tkazilgan sudda yutib chiqdi. Bu haqda Tjournal xabar bermoqda.
Siyosiy tashkilot mualliflik huquqlarini buzganligi uchun xonandaga 414 ming dollar jarima to‘laydi.
2014-yilda Yangi Zelandiya milliy partiyasi saylovdan oldin Eminemning qo‘shig‘iga o‘xshash musiqadan foydalanilgan rolikni taqdim etgan edi.
2017-yilning may oyida Eminemning advokati siyosatchilarni plagiatda ayblagan edi. Siyosatchilar esa qo‘shiqning mualliflik huquqi bilan himoyalanmagan qismi ya’ni faqat ritmidan foydalanilganini ma’lum qilgan edi.
Partiya sud qaroridan norozi bo‘lgan va yuqori organlarga shikoyat qilishini ma’lum qilgan.
Izoh (0)