“Kim Chen In” Trampning osmono‘par binosiga kirib, tashrifchilar bilan salomlashdi (video)

Amerikalik prankster QPark KXDR yetakchisi Kim Chen Inning qiyofadoshini yollab, uni AQSh prezidenti Donald Tramp egalik qiluvchi, Nyu-Yorkdagi osmono‘par binoga olib bordi, deb yozadi Daily Mirror.

“Kim Chen In” o‘zini tansoqchi qilib ko‘rsatayotgan prankster bilan Nyu-York bo‘ylab sayr qildi. O‘tkinchilar “diktator”dan Amerikada nima ishi borligi haqida so‘radi, Shimoliy Koreya yetakchisining basketbolchi Dennis Rodman bilan do‘stligini esga oldi va u bilan suratga tushdi.

Uoll Stritda “Kim Chen In” va tansoqchisi Tramp-bildingga yo‘l oldi va soqchidan u AQSh prezidentini ko‘rgan-ko‘rmagani haqida so‘radi. “Qo‘rqamanki, bu maxfiy axborot”, — deya javob berdi u. So‘ng QPark “oliy rahbar barchaga minnatdorlik bildiradi” deya e’lon qildi, KXDR yetakchisining qiyofadoshi qo‘l silkitdi va ular binoni tark etdi.