Америкалик пранкстер QPark КХДР етакчиси Ким Чен Иннинг қиёфадошини ёллаб, уни АҚШ президенти Дональд Трамп эгалик қилувчи, Нью-Йоркдаги осмонўпар бинога олиб борди, деб ёзади Daily Mirror.
«Ким Чен Ин» ўзини тансоқчи қилиб кўрсатаётган пранкстер билан Нью-Йорк бўйлаб сайр қилди. Ўткинчилар «диктатор»дан Америкада нима иши борлиги ҳақида сўради, Шимолий Корея етакчисининг баскетболчи Деннис Родман билан дўстлигини эсга олди ва у билан суратга тушди.
Уолл Стритда «Ким Чен Ин» ва тансоқчиси Трамп-билдингга йўл олди ва соқчидан у АҚШ президентини кўрган-кўрмагани ҳақида сўради. «Қўрқаманки, бу махфий ахборот», — дея жавоб берди у. Сўнг QPark «олий раҳбар барчага миннатдорлик билдиради» дея эълон қилди, КХДР етакчисининг қиёфадоши қўл силкитди ва улар бинони тарк этди.
Изоҳ (0)