Germaniyaning Xayde shahrida ikki to‘ng‘iz to‘rt kishini jarohatladi (video)

Germaniyaning Xayde shahri aholisiga hujum qilgan ikki to‘ng‘iz to‘rt kishini jarohatladi. Bu haqda “RIA Novosti” ma’lum qildi.

Hujumlardan biri videoga tushdi. Kuzatuv kamerasi roligida hayvon optika saloniga kirib kelgani va xonalarni aylanayotgani, xodimlar esa yashirinishga urinayotganini ko‘rish mumkin.

Keyinroq to‘ng‘izlardan biri mahalliy bankka kirdi. Uni yo‘q qilish uchun politsiya ovchiga murojaat qilishiga to‘g‘ri keldi. Ikkinchi to‘ng‘iz qochib ketgani sababli rasmiylar aholiga uylarini tark etmaslikni tavsiya qildi. Bir necha soatdan so‘ng u shahardan chiqib ketgani ma’lum bo‘ldi.

NDR radiosiga ko‘ra, to‘ng‘iz jabrdiydalardan birining barmog‘ini tishlab oldi.