Shayxontohurda tibbiyot kolleji o‘quvchisi boshog‘rig‘iga dori ichib, zaharlandi

Toshkent shahar Shayxontohur tumanida bir necha fuqaro ehtiyotsizlik tufayli dori iste’mol qilib, zaharlandi. Bu haqda “Telegraf.uz” xabar bermoqda.

Xabar berishlaricha, 15-oktabr kuni tumanda istiqomat qiluvchi fuqaro Yu.G.T. o‘z uyida uyqusi kelmay, 3 dona “Dimedrol” tabletkasidan ichgan va zaharlangan. U Respublika shoshilinch tibbiy yordam ilmiy markazi (RShTYoIM) toksikologiya bo‘limiga yotqizilgan.

Tumanda 16-oktabr ikkita shunday holat qayd etilgan. Toshkent tibbiyot kolleji 2-bosqich o‘quvchisi Z.D.D. o‘z uyida boshi qattiq og‘rigani sababli 3 dona “Klazolan” dori vositasidan ichib, zaharlangan. Fuqaro A.O.D. esa mazasi bo‘lmagani uchun 3 dona “Efilin” tabletkasidan ichib, zaharlangan.

Har ikkala bemorga RShTYoIMda tibbiy yordam ko‘rsatilgan.