Шайхонтоҳурда тиббиёт коллежи ўқувчиси бошоғриғига дори ичиб, заҳарланди

Тошкент шаҳар Шайхонтоҳур туманида бир неча фуқаро эҳтиётсизлик туфайли дори истеъмол қилиб, заҳарланди. Бу ҳақда «Telegraf.uz» хабар бермоқда.

Хабар беришларича, 15 октябрь куни туманда истиқомат қилувчи фуқаро Ю.Г.Т. ўз уйида уйқуси келмай, 3 дона «Димедрол» таблеткасидан ичган ва заҳарланган. У Республика шошилинч тиббий ёрдам илмий маркази (RSҳТЁИМ) токсикология бўлимига ётқизилган.

Туманда 16 октябрь иккита шундай ҳолат қайд этилган. Тошкент тиббиёт коллежи 2-босқич ўқувчиси З.Д.Д. ўз уйида боши қаттиқ оғригани сабабли 3 дона «Клазолан» дори воситасидан ичиб, заҳарланган. Фуқаро А.О.Д. эса мазаси бўлмагани учун 3 дона «Эфилин» таблеткасидан ичиб, заҳарланган.

Ҳар иккала беморга RSҳТЁИМда тиббий ёрдам кўрсатилган.