Madridning “Real” klubi hujumchisi Krishtianu Ronaldu Chempionlar Ligasining “Tottenhem”ga qarshi o‘yinida gol urib, “Real”ni mag‘lubiyatdan qutqardi va o‘zi jahon rekordini o‘rnatdi.
France Football “Oltin to‘p” uchun barcha — 30 nafar da’vogar nomini e’lon qildi
1 yil davomida xalqaro maydonda eng ko‘p gol urish bo‘yicha rekord shu kungacha Lionel Messiga tegishli bo‘lib, u 2012-yil Argentina terma jamoasi va “Barselona”ning xalqaro maydondagi o‘yinlarida 25 ta gol urishga muvaffaq bo‘lgandi. 2013-yil esa bu rekordni Krishtianuning o‘zi yangilab, Portugaliya va “Real”ning xalqaro o‘yinlarida 25 ta gol urishga erishgandi.2017-yilgi mavsum esa Krishtianu uchun yanada omadliroq keldi. U Portugaliya termasi va “Real”ning xalqaro o‘yinlarida hozirgacha 26 ta gol urdi. Shularning 15 tasi “Real” uchun urildi, qolgan 11 ta gol Portugaliya termasi safida.
Biroq bu hali yakun emas. 2017-yil hisobidan Ronalduni xalqaro maydonda kamida 7 ta uchrashuv kutib turibdi. U Portugaliya safida 2 ta o‘rtoqlik o‘yinida maydonga tushishi, klublar o‘rtasidagi Jahon Chempionatida yana 2 ta uchrashuv o‘tkazishi va Chempionlar Ligasi guruh bosqichining yana 3 ta o‘yinida qatnashishi kerak. Demak, u 26 talik rekordini yanada ko‘paytirib qo‘yish imkoniyatiga ega.
Krishtianu Ronaldu JCh—2018 saralashini 15 ta gol bilan Robert Levandovskidan keyin 2-o‘rinda yakunladi. Bu futbolchilar 1 ta saralash siklida eng ko‘p gol urgan futbolchilar sifatida tarixga kirdi.
Ronaldu 2017-yil hisobidan Chempionlar Ligasining o‘tgan mavsumida katta yurishni amalga oshirib, “Real”ning tarixiy — ketma-ket ikkinchi g‘alabasiga hissa qo‘shdi. Bunda hujumchi Yevropada himoyasi eng kuchli deb qaraladigan uch klub — “Bavariya”, “Atletiko” va “Yuventus” postiga jami 10 ta gol urdi.
Joriy mavsumning dastlabki uch turida Ronaldu 5 ta urib ulgurdi. Bu borada u “Tottenhem” hujumchisi Harr Keyn bilan to‘purarlar poygasida qo‘shhokim bo‘lib turibdi.
Izoh (0)