Мадриднинг «Реал» клуби ҳужумчиси Криштиану Роналду Чемпионлар Лигасининг «Тоттенҳэм»га қарши ўйинида гол уриб, «Реал»ни мағлубиятдан қутқарди ва ўзи жаҳон рекордини ўрнатди.
France Football «Олтин тўп» учун барча — 30 нафар даъвогар номини эълон қилди
1 йил давомида халқаро майдонда энг кўп гол уриш бўйича рекорд шу кунгача Лионель Мессига тегишли бўлиб, у 2012 йил Аргентина терма жамоаси ва «Барселона»нинг халқаро майдондаги ўйинларида 25 та гол уришга муваффақ бўлганди. 2013 йил эса бу рекордни Криштианунинг ўзи янгилаб, Португалия ва «Реал»нинг халқаро ўйинларида 25 та гол уришга эришганди.2017 йилги мавсум эса Криштиану учун янада омадлироқ келди. У Португалия термаси ва «Реал»нинг халқаро ўйинларида ҳозиргача 26 та гол урди. Шуларнинг 15 таси «Реал» учун урилди, қолган 11 та гол Португалия термаси сафида.
Бироқ бу ҳали якун эмас. 2017 йил ҳисобидан Роналдуни халқаро майдонда камида 7 та учрашув кутиб турибди. У Португалия сафида 2 та ўртоқлик ўйинида майдонга тушиши, клублар ўртасидаги Жаҳон Чемпионатида яна 2 та учрашув ўтказиши ва Чемпионлар Лигаси гуруҳ босқичининг яна 3 та ўйинида қатнашиши керак. Демак, у 26 талик рекордини янада кўпайтириб қўйиш имкониятига эга.
Криштиану Роналду ЖЧ—2018 саралашини 15 та гол билан Роберт Левандовскидан кейин 2-ўринда якунлади. Бу футболчилар 1 та саралаш циклида энг кўп гол урган футболчилар сифатида тарихга кирди.
Роналду 2017 йил ҳисобидан Чемпионлар Лигасининг ўтган мавсумида катта юришни амалга ошириб, «Реал»нинг тарихий — кетма-кет иккинчи ғалабасига ҳисса қўшди. Бунда ҳужумчи Европада ҳимояси энг кучли деб қараладиган уч клуб — «Бавария», «Атлетико» ва «Ювентус» постига жами 10 та гол урди.
Жорий мавсумнинг дастлабки уч турида Роналду 5 та уриб улгурди. Бу борада у «Тоттенҳэм» ҳужумчиси Ҳарр Кейн билан тўпурарлар пойгасида қўшҳоким бўлиб турибди.
Изоҳ (0)