Toshkent shahridagi Yoshlar ijod saroyida 15-oktabr kuni Rossiya kinosi haftaligi boshlandi. Bu haqda “Nuz.uz” xabar bermoqda.
Haftalik Rosssiya madaniyat vazirligi, “Festsinema” kinokompaniyasi, O‘zbekiston yoshlar ittifoqi, “O‘zbekkino” milliy agentligi va Kinematografiyani rivojlantirish markazi hamkorligida o‘tkazilmoqda.
Uning ochilish marosimi 16-oktabr, dushanba kuni 16:00 da Yoshlar ijod saroyida bo‘lib o‘tadi.
Rossiya delegatsiyasi tarkibida reporter va prodyuser Mixail Degtyar, operator Alisher Hamidxo‘jayev, prodyuser Natalya Ivanova, Rossiyada xizmat ko‘rsatgan artistlar Svetlana Toma va Evklid Kyurdzidis, aktyor Aleksandr Peskov bor.
Haftalik dasturi doirasida Rossiya kinoijodkorlari tomonidan suratga olingan “Quti”, “Katta qishloq mash’alalari”, “Teli va Toli”, “Topilma”, “Lirizmlar” va “Yakka-yolg‘iz” filmlari namoyish etiladi.
20-oktabrga qadar davom etadigan haftalikda seanslarga kirish bepul.
Izoh (0)