AQShning Albukerke shahridagi Breaking Bad filmining bosh qahramoni Uolter Uayt yashagan uyning egalari uning atrofiga ikki metrli devor qurishni ko‘zlamoqda. Uyning egalari uy tomiga pitssa uloqtirayotgan film ishqibozlaridan bezor bo‘ldi. Ishqibozlar filmdagi Uayt uyidan chiqib, pitssani garajning tomiga otib yuborgan sahnani takrorlamoqda, deb yozadi Meduza.
Kvintanalarning aytishicha, har hafta ularning uyiga taxminan yuz kishi keladi. Film ishqibozlarining ko‘pchilgi shunchaki suratga tushadi, biroq tomga pitssa uloqtiradiigan va hovlidan tosh o‘g‘irlaydiganlari ham bor. Joann Kvintananing so‘zlariga ko‘ra, bir marta undan yaxshi kadr chiqishi uchun hatto garajni yopishni ham so‘rashgan.
Serialning yaratuvchisi Vins Gilligan va filmdagi joylar bo‘ylab sayohat tashkil qiluvchi Frenk Sendoval bir necha marta muxlislardan Kvintanalar uyining tomiga pitssa otmaslikni so‘ragan. Sendovalning qayd etishicha, uning shaxsan o‘zi sayyohlardan biri otib yuborgan pitssani tomdan olgan.
Oila baland devor ularni doimiy ko‘ngilxiraliklardan, suratga olishlardan va tomdagi pitssalardan xalos qilishiga umid qilmoqda.
Izoh (0)