Yevropa Ittifoqining Eron yadroviy dasturi borasidagi pozitsiyasi o‘zgarmaydi. Ittifoq rasmiylarining fikricha, Eron bilan ikki yil avval imzolangan bitim jahonni yanada xavfsiz qiladi va, shu munosabat bilan, Yevroittifoq bitimni imzolagan barcha tomonlar o‘z majburiyatlarini bajarib, uning amalga oshishini ta’minlaydi, degan umidda. Bu haqda “Kommersant” xabar bermoqda.
Yevropa Ittifoqining tashqi siyosat mahkamasi rahbari Federika Mogerinining aytishicha, Eron bitimi “bir tomonlama kelishuv emas va tomonlarning hech biri uni to‘xtata olmaydi”. Uning so‘zlariga ko‘ra, bitim ayni vaqtda amalga oshirilmoqda va undan voz kechish mumkin emas.
AQSh prezidenti Donald Tramp 13-oktabr, juma kuni Eronga nisbatan yangi strategiyasini ma’lum qildi. Amerika prezidenti 2015-yilda Eron yadroviy dasturi doirasida qabul qilingan Qo‘shma keng qamrovli harakatlar rejasini keskin qoraladi.
Izoh (0)