Европа Иттифоқининг Эрон ядровий дастури борасидаги позицияси ўзгармайди. Иттифоқ расмийларининг фикрича, Эрон билан икки йил аввал имзоланган битим жаҳонни янада хавфсиз қилади ва, шу муносабат билан, Евроиттифоқ битимни имзолаган барча томонлар ўз мажбуриятларини бажариб, унинг амалга ошишини таъминлайди, деган умидда. Бу ҳақда «Коммерсантъ» хабар бермоқда.
Европа Иттифоқининг ташқи сиёсат маҳкамаси раҳбари Федерика Могеринининг айтишича, Эрон битими «бир томонлама келишув эмас ва томонларнинг ҳеч бири уни тўхтата олмайди». Унинг сўзларига кўра, битим айни вақтда амалга оширилмоқда ва ундан воз кечиш мумкин эмас.
АҚШ президенти Дональд Трамп 13 октябрь, жума куни Эронга нисбатан янги стратегиясини маълум қилди. Америка президенти 2015 йилда Эрон ядровий дастури доирасида қабул қилинган Қўшма кенг қамровли ҳаракатлар режасини кескин қоралади.
Изоҳ (0)