Turkiya Qrim portlaridan kelayotgan kemalarni qabul qilmaydi. Bu haqda Turkiya kemachilik palatasi vakili ma’lum qildi, deya xabar beradi “TASS”.
“Qrimdan mamlakatimizga suzib kelayotgan kemalarga portlarimizga kirishga ruxsat berilmaydi. Mazkur taqiq istalgan bayroq ostidagi kemalarga tegishli”, — dedi palata vakili.
Ushbu qaror Turkiya transport, kemachilik va kommunikatsiyalar vazirligi tomonidan qabul qilingani bildirilmoqda.
Eslatib o‘tamiz, oldinroq Turkiya prezidenti Rajab Toyyib Erdo‘g‘on Turkiya Ukraina suvereniteti va hududiy yaxlitligini qo‘llab-quvvatlashi, Qrimning Rossiya tomonidan egallab olinishini tan olmasligini ma’lum qilgandi.
Izoh (0)