Avstraliya politsiyasi jinoyatchilarni qo‘lga tushirish bo‘yicha operatsiya doirasida dunyodagi eng yirik bolalar pornografiyasi saytlaridan birini maxfiy tarzda boshqargani ma’lum bo‘ldi, deb yozadi Meduza. Buni Norvegiyaning VG nashri jurnalistlari aniqlashga muvaffaq bo‘ldi.
Ma’lum bo‘lishicha, 2016-yil kuzida Avstraliya politsiyasi Childs Play sayti rahbari Benjamin Folknerning shaxsini aniqlagan, o‘shanda u 4 yoshli qizchani zo‘rlagani uchun AQShda hibsga olingan edi. Ayni paytda u umrbod qamoq jazosini o‘tamoqda. Politsiyachilar saytni o‘z nazorati ostiga oldi va foydalanuvchilarga sezdirmasdan uning faoliyatini davom ettiraverdi. Avstraliya qonunchiligi politsiyaning bunday faoliyat bilan shug‘ullanishiga ruxsat beradi.
2017-yil sentabrida sayt yopildi. Operatsiya natijasida boshqa o‘nlab mamlakatlarda jinoiy ishlar qo‘zg‘atildi, shuningdek, zo‘ravonlarni qo‘lga olib, pornografiya ishlab chiqarishga jalb etilgan bolalarni qutqarish imkonini berdi.
Izoh (0)