Qirg‘iziston prezidenti Almazbek Atamboyev mamlakatning O‘zbekiston bilan umumiy chegarasini belgilab olish to‘g‘risidagi qonunni imzoladi. Bu haqda “Kommersant” xabar bermoqda.
“Shartnomadan ko‘zlangan maqsad O‘zbekiston va Qirg‘iziston o‘rtasidagi chegarani aniqlash va oydinlik kiritish hisoblanadi. Ko‘rsatilgan shartnoma nizomida o‘zbek-qirg‘iz davlat chegarasining 1170, 53 kilometri tavsiflangan”, — deyiladi prezident saytida.
Qonun loyihasi qirg‘iz parlamenti tomonidan 28-sentabr kuni ma’qullangan.
O‘zbekiston va Qirg‘iziston o‘rtasidagi delimitatsiya va demarkatsiya haqidagi muzokaralar qariyb 20 yil davom etdi.
Izoh (0)