Hozirgi kunda Navoiy shahar Ichki ishlar bo‘limi huzuridagi tergov bo‘limida, ushbu shaharda joylashgan mas’uliyati cheklangan jamiyat rahbari 1974-yilda tug‘ilgan F.T.ga nisbatan O‘zbekiston Respublikasi Jinoyat kodeksining 168-moddasi 3-qismi bilan jinoyat ishi qo‘zg‘atilgan, deb xabar beradi IIV matbuot xizmati.
F.T.ning ustidan kelib tushgan arizada, u Navoiy shahrining 18-mikrorayon hududida yangi qurilayotgan ko‘p qavatli uylardan sakkizta ikki xonali va to‘rtta bir xonali uylarni olib berishini va’da qilib, fuqarolardan 1 milliard 30 million 400 ming so‘m pulni olib, qochib yurgani ko‘rsatilgan. Firibgar rahbar ichki ishlar xodimlari tomonidan ushlandi.
Izoh (0)