AQSh prezidenti Donald Tramp Ispaniya bosh vaziri Mariano Raxoy bilan bo‘lib o‘tgan uchrashuvda o‘zining eng sevimli sportchisi ispaniyalik tennischi Rafael Nadal ekanligini ma’lum qildi. Bu haqda Tennis World USA’ga asoslanib, “RIA Novosti” xabar berdi.
“Menga Rafa yoqadi. U doim g‘alabaga intiladi. U — g‘olibdir”, — deya ta’kidlaydi Oq uy rahbari.
Shuningdek, prezident tennischini “Ispaniyaning ulkan xazinasi” deb ta’kidladi.
Nashrnig xabar berishicha, Tramp saylovlarga qadar tez-tez Nadal ishtirokidagi US Open o‘yinlariga tashrif buyurib turgan.
Rafael Nadal Pekin–2008 Olimpiya o‘yinlarining yakkalik bahslari, Rio–2016 ning juftlik bahslari chempioni sanaladi. Faoliyati davomida ispaniyalik tennischi 16 marta “Katta dubulg‘a” turkumidagi turnirlar g‘olibi bo‘lgan. Shuningdek, Fransiya ochiq chempionatida o‘n marta g‘alabani qo‘lga kiritgan.
Izoh (0)